Bugun dzyudo bo‘yicha “Tokio-2020” sovrindori Davlat Bobonov oilasi bilan davlatimiz rahbari sovg‘a qilgan “Trailblazer” avtomobilida ikkinchi mukofot – yangi uyni borib ko‘rdi. Bu haqda Millliy olimpiya qo‘mitasi xabar qildi.
Aytish joiz, Bobonovlar oilasi ushbu sovg‘alardan juda ham xursand va kayfiyatlari aʼlo. Ular o‘z taassurotlari bilan o‘rtoqlashar ekan, ko‘rsatilayotgan eʼtibor va g‘amxo‘rlik uchun Prezidentimizdan benihoyat minnatdor ekanliklarini bildirishdi.
«Olimpiada o‘yinlarida hamma sportchi o‘z yurti, nomi va oilasi sharafini himoya qiladi. Mening ona Vatanim— O‘zbekiston uchun ko‘rsatgan mana shunday kichik xizmatim juda ham yuqori baholanganidan baxtiyorman. Kelgusi Olimpiada o‘yinlarida bu menga juda katta motivatsiya beradi», – dedi Olimpiada sovrindori Davlat Bobonov.
Eslatib o‘tamiz, “Tokio-2020” Olimpiadasining bronza medali sohiblariga poytaxtimizda qad rostlayotgan “Grinpark” majmuasidan 2 xonali uy sovg‘a qilindi.