Тошкентда BМW "столба"га бориб урилди
Ҳолат Яккасарой туманида содир бўлган.
Жорий йилнинг 25 январь куни соат 11.30 ларда Яккасарой тумани Шота Руставели кўчасида ҳайдовчи 1976 йилда туғилган H.K. бошқарувида бўлган BМW русумли автомашинаси ҳаракат давомида руль бошқарувини йўқотиб ёритгич устунига тўқнашиб йўл транспорт ҳодисаси содир бўлган.
ЙТҲ натижасида BМW автомашинаси ҳайдовчиси ҳамда 2 нафар йўловчилари енгил тан жароҳати олган. Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
