Bugun, 13-mart kuni Toshkent shahrining Olmazor tumanida to‘rtta avtomashina ishtirokida yo‘l-transport hodisasi sodir bo‘ldi. Holat yuzasidan shahar IIBB YHXB maʼlumot berdi.
Hodisa Olmazor tumani Ahmad Donish ko‘chasida soat 18:00 larda yuz bergan. Unda 2 ta Cobalt, Epica va Matiz rusumli avtomashinalar o‘zaro to‘qnashgan. YTH oqibatida Epica va Matiz avtomashinasi haydovchisi hamda yo‘lovchilari tan jarohati olgan.
Hozirda holat yuzasidan surishtiruv harakatlari olib borilmoqda.