Toshkent shahrining Mirzo Ulug‘bek tumanida joylashgan ko‘p qavatli uylarning birida 14-yanvarga o‘tar kechasi yong‘in yuz berdi. Bu haqda poytaxt Favqulodda vaziyatlar boshqarmasi matbuot xizmati ma’lum qildi.
Qayd etilishicha, 13-yanvar kuni soat 23:59 da Niyoziy ko‘chasida joylashgan ko‘p qavatli uydagi xonadonlarning birida yong‘in sodir bo‘lgani haqida xabar kelib tushgan. Yong‘in-qutqaruv ekipajlari soat 00:04 da voqea joyiga yetib borgan va qisqa vaqt ichida tezkor choralar ko‘rilgan. Yong‘in soat 00:37 da to‘liq bartaraf etilgan.
Dastlabki ma’lumotlarga ko‘ra, hodisa oqibatida tan jarohati olganlar yo‘q. Yong‘inning kelib chiqish sabablari aniqlanmoqda.