Ukraina Qurolli Kuchlari hujum strategiyasini o‘zgartirmoqda. Endi ukrainaliklar asosiy urg‘uni oldinga siljishga emas, balki Rossiya armiyasini yo‘q qilishga ko‘proq eʼtibor qaratmoqda. Bu haqda Milliy xavfsizlik va mudofaa kengashi kotibi Aleksey Danilov maʼlum qildi.
"Birinchi vazifa - bu Rossiya armiyasining ishchi kuchi, uskunalari, yoqilg‘i omborlari, qo‘mondonlik punktlari, artilleriya va havo mudofaa kuchlarini maksimal darajada yo‘q qilish. Oxirgi kunlar ayniqsa samarali bo‘ldi. Endi qirg‘in urushi kilometrlik urushga teng. Ko‘proq rossiyalik harbiylar yo‘q qilindi, ko‘proq hududlar ozod qilindi", — deb yozgan Danilov Twitterda.
Unga so‘zlariga ko‘ra, ayni paytda Ukraina armiyasi "xotirjam, muvozanatli, bosqichma-bosqich" harakat qilmoqda.