Уруш ва она — фотожамланма

 

Ғазода сўнгги уч ҳафта ичида ҳалок бўлган болалар сони 2019 йилдан бери дунё бўйлаб можаро ҳудудларида ҳалок бўлган болаларнинг йиллик сонидан ошиб кетган. Бу ҳақда Save the Children ташкилоти маълум қилди.

 

Ғазо ва Исроил соғлиқни сақлаш вазирликларига кўра, 7 октябрдан бери 3 257 дан ортиқ бола, жумладан Ғазода камида 3 195, Ғарбий Соҳилда 33 ва Исроилда 29 бола ўлдирилган.

 

Ғазода уч ҳафта ичида ҳалок бўлган болалар сони бутун дунё бўйлаб — 20 дан ортиқ мамлакатларда — сўнгги уч йил ичида қуролли можароларда ўлганлар сонидан ошиб кетган.

 

Ғазода ўлдирилган 7 703 кишининг 40 фоиздан ортиғини болалар. Фаластин ҳудуди ва Исроилда ҳалок бўлганларнинг учдан биридан кўпроғини ташкил этади. Ғазода яна 1000 нафар бола вайроналар остида ғойиб бўлган. Бедарак йўқолган болалар билан ҳалок бўлганлар сони анча юқори бўлиши ҳам мумкин.

 

Исроил ҳарбийлари Ғазо секторида қуруқликдаги амалиётлар кучайганини эълон қилди, Save the Children ташкилоти эса бу кўпроқ ўлим, жароҳатлар ва азоб-уқубатларга олиб келиши ҳақида огоҳлантирди. Шу билан бирга зудлик билан ўт очишни тўхтатишга чақирган.

 

Ғазодаги камида 6 360 бола, Ғарбий Соҳилда камида 180 бола ва Исроилда камида 74 бола яралангани хабар қилинган. Ғазода 200 дан ортиқ одам, жумладан, болалар гаровда қолмоқда.