G‘azoda so‘nggi uch hafta ichida halok bo‘lgan bolalar soni 2019 yildan beri dunyo bo‘ylab mojaro hududlarida halok bo‘lgan bolalarning yillik sonidan oshib ketgan. Bu haqda Save the Children tashkiloti maʼlum qildi.
G‘azo va Isroil sog‘liqni saqlash vazirliklariga ko‘ra, 7 oktyabrdan beri 3 257 dan ortiq bola, jumladan G‘azoda kamida 3 195, G‘arbiy Sohilda 33 va Isroilda 29 bola o‘ldirilgan.
G‘azoda uch hafta ichida halok bo‘lgan bolalar soni butun dunyo bo‘ylab — 20 dan ortiq mamlakatlarda — so‘nggi uch yil ichida qurolli mojarolarda o‘lganlar sonidan oshib ketgan.
G‘azoda o‘ldirilgan 7 703 kishining 40 foizdan ortig‘ini bolalar. Falastin hududi va Isroilda halok bo‘lganlarning uchdan biridan ko‘prog‘ini tashkil etadi. G‘azoda yana 1000 nafar bola vayronalar ostida g‘oyib bo‘lgan. Bedarak yo‘qolgan bolalar bilan halok bo‘lganlar soni ancha yuqori bo‘lishi ham mumkin.
Isroil harbiylari G‘azo sektorida quruqlikdagi amaliyotlar kuchayganini eʼlon qildi, Save the Children tashkiloti esa bu ko‘proq o‘lim, jarohatlar va azob-uqubatlarga olib kelishi haqida ogohlantirdi. Shu bilan birga zudlik bilan o‘t ochishni to‘xtatishga chaqirgan.
G‘azodagi kamida 6 360 bola, G‘arbiy Sohilda kamida 180 bola va Isroilda kamida 74 bola yaralangani xabar qilingan. G‘azoda 200 dan ortiq odam, jumladan, bolalar garovda qolmoqda.
