Халқаро ташкилот Роналду билан ҳамкорликни тўхтатди
Футболчи болалар ҳуқуқларини ҳимоя қилиш ташкилоти ҳомийлигини тарк этган.
“Save the Children” (“Болаларни асранг”) халқаро ташкилоти вакили “Манчестер Юнайтед” ҳужумчиси Криштиану Роналду
энди унинг ҳомийси эмаслигини айтди.
“Криштиану дунё бўйлаб муҳтож оилаларга ёрдам бериш орқали “Save the Children” ташкилотини қўллаб-қувватлади. У 2018 йилдан бери биз билан ишламаётган эди. Энди у бизнинг ҳомийимиз эмас”, — дея “The Sun” нашри ташкилот сўзларини келтирди.
Эслатиб ўтамиз, Роналду 2013 йилдан бери хайрия ҳомийси бўлиб келган. Ташкилот (“Save the Children”) Буюк Британияда ташкил этилган ва бутун дунё бўйлаб болалар ҳуқуқларини ҳимоя қилиш билан шуғулланади.
Аввалроқ, Роналду жамоадошини танқид қилгани ҳақида хабар берилганди.
Жамшидбек Амиров
