Хитой АҚШ маҳсулотларига 34 фоиз бож жорий қилди
Хитой Трампнинг янги тарифларни «адолатсиз» деб ҳисоблайди.
Хитой Молия вазирлиги 10 апрелдан бошлаб АҚШдан импорт қилинадиган барча маҳсулотларга қўшимча 34 фоизлик бож жорий этилишини эълон қилди.
Бу қадам АҚШ президенти Доналд Трампнинг 2 апрель куни бошқа мамлакатлар, жумладан Хитой маҳсулотларига ҳам божлар жорий қилганига жавобан амалга оширилмоқда. Трампнинг сўзларига кўра, АҚШ “ўнлаб йиллар давомида” савдо масаласида бошқа давлатларга имтиёз берган.
Хитой эса бу тарифларни «адолатсиз» деб ҳисоблаб, ўз жавоб чораларини эълон қилди. Янги чоралар натижасида Хитойга импорт қилинадиган АҚШ маҳсулотларига умумий божлар даражаси 54 фоизга етади. Чунки аввалги икки босқичда аллақачон 20 фоизли бож жорий этилган эди, янги 34 фоизлик ставка эса бунга қўшилади.
Бу савдо уруши икки мамлакат ўртасидаги иқтисодий алоқаларга жиддий таъсир кўрсатмоқда. Корхоналар, инвесторлар ва истеъмолчилар учун бу можаро нархлар ошиши ва савдо ҳажмининг камайишига олиб келиши мумкин.
