Xitoyda 100 dan ortiq ilonni shimida mamlakatga olib kirmoqchi bo‘lgan shaxs ushlandi. U sudralib yuruvchilarni vakuumli sumkaga solib, cho‘ntagida yashirincha olib o‘tmoqchi bo‘lgan.
Tekshiruv davomida yo‘lovchining yonida turli shakl va rangdagi 104 dona ilon borligi aniqlangan. Erkak noyob ilonlarni Honkongdan Shenjenga olib kelayotgan bo‘lgan.
Kontrabandachi bioxavfsizlik va veterinariya nazorati to‘g‘risidagi qonunlarni buzgani sababli jinoiy javobgarlikka tortilishi kutilmoqda.