Qozog‘iston prezidenti Qosim-Jo‘mart To‘qayev yangi Qozog‘iston formulasiga izoh berdi. Bu haqda u “Rossiya 24” telekanaliga bergan intervyusida aytgan.
“Kuchli prezident, mavqeyi yuqori parlament va hisob beradigan hukumat”, – degan To‘qayev.
Qozog‘iston rahbarining so‘zlariga ko‘ra, mamlakat oligarxlar taʼsiridan qutulishi va ijtimoiy adolatga intilishi zarur.
“Odamlar barcha narsada adolat bo‘lishini istaydi”, – deb qo‘shimcha qilgan prezident.
Avvalroq To‘qayev “AMANAT” partiyasi raisi vakolatidan voz kechgandi.