Йилнинг энг яхши ҳужумчиси “Олтин тўп” соҳибини табриклади
“Бавария” ва Полша терма жамоаси ҳужумчиси Роберт Левандовски “Олтин тўп”ни топшириш маросимидан сўнг мухлисларга мурожаат қилди.
“Мен Лионел Мессини “Олтин тўп” соҳиби бўлганлиги билан табриклайман. Менга овоз берган ва 2021 йилдаги ютуқларимни муҳим деб билган ҳар бир инсонга раҳмат айтаман. Йилнинг энг яхши ҳужумчисига айландим. Кучли жамоа ва содиқ мухлисларсиз ҳеч ким индивидуал совринларни қўлга кирита олмайди. “Бавария” клубининг ҳозирги муваффақиятларимга ҳиссаси жуда ҳам юқори. Мени ҳар доим қўллаб-қувватлаб келаётган мухлисларга ҳам раҳмат айтмоқчиман. Бундан ташқари оиламдагиларнинг барчасига миннатдорчилик билдираман”.
Эслатиб ўтамиз, кеча Франция пойтахти Париж шаҳрида ўтказилган “Олтин тўп” топшириш маросимида Роберт Левандовски йилнинг энг яхши ҳужумчиси номинациясини қўлга киритди.
Аввалроқ Левандовcки “Реал Мадрид” клубига ўтмоқчилиги ва “Бавария” Левандовcки ўрнига Ҳоландни сотиб олмоқчилиги ҳақида хабар берилганди.
Жамшидбек Амиров
