“Ювентус” футболчисига инглизлар қизиқмоқда
“Арсенал” “Ювентус” ярим ҳимоячиси Деян Кулусевски трансфери устида ишламоқда.
“La Republica” нашри хабарига кўра, Лондон клуби швед футболчиси учун 35 миллион евро тўлашга тайёр эканлигини маълум қилган. “Ювентус” эса футболчи учун 40 миллион евро талаб қилмоқда. Кулусевскининг ўзи ҳам айни дамда “Арсенал”га ўтиш истагини билдирган.
Деянга “Арсенал”дан ташқари “Тоттенҳем” клуби ҳам қизиқмоқда. “Шпорлар” спорт директори, аввалроқ “Юве”да ишлаган Фабио Паратичи ўнг қанот ҳимоячисига мухлислик қилишини айтиб ўтган. У Антонио Конте жамоасини кучайтириш учун Кулусевски билан шартнома имзоламоқчи.
Эслатиб ўтамиз, жорий мавсумда 21 ёшли ярим ҳимоячи “Ювентус” сафида барча турнирлар доирасида 19 та ўйин ўтказиб, 1 та гол урди ва 2 та голли узатмани амалга оширди.
Аввалроқ Пауло Дибала “Ювентус” билан беш йиллик шартнома имзоламоқчилиги ва туринликлар Сакани ўз сафига қўшиб олмоқчилиги ҳақида хабар берилганди.
Жамшидбек Амиров
