ZF-UZ-VAC 2001 Ўзбек-Хитой вакцинасига ишонса бўладими?(видео)
Сир эмас, нафақат мамлакатимизда балки бутун дунёда эмланиш жараёнларига шубҳа билан қараш давом этмоқда.
Кимдир вакцина ўлимга сабаб бўлади деса, яна кимдир эмланиш касалланишга олиб келишини айтмоқда. Айрим кишилар эса бу ишларнинг барчаси бепуштликни кучайтиришга қаратилган деган фикрда.
16 июль куни мамлакатимизда 501 нафар кишида COVID-19 аниқланди. Рақамлар тенденцияни яққол намоён этмоқда. Энди тасаввур қилинг, мана шу 500 киши яна қанча инсонни зарарлаб улгурди экан. Ўртача ҳисобда уларнинг ҳар бири энг камида икки кишини зарарлаган деб тасаввур қилсак жами яна 1 000 кишида тез орада касаллик аниқланади. Жараённи тўхтатишнинг ягона усули вакцинация. Ҳозиргача Ўзбекистонда CoviShield, AstraZeneca, Sputnik V, ZF-UZ-VAC 2001 вакциналари қўлланиляпти. Улар орасида ZF-UZ-VAC 2001 Ўзбек-Хитой вакцинасига аксарият кишилар ишончсиз қарашаётгани ҳам бор гап. Хўш, у қанчалар самарали? Коронавирусга қарши курашиш штаби аъзоси, Севара Убайдуллаева шу борадаги саволимизга жавоб берди.
