Бугун барча ҳудудларда Президент мактабларига қабул имтиҳонлари бошланди
Имтиҳонлар Қорақалпоғистон Республикаси, вилоятлар ва Тошкент шаҳрида 2 сменада ташкил этилади ҳамда 28-июлга қадар давом этади.
Имтиҳонлар 1-сменада 8:00 дан 09:00 га қадар, 2-сменада 19:00 дан 20:00 га қадар бўлиб ўтади.
Ота-оналардан фарзандларини имтиҳон бўлиб ўтадиган ҳудудга белгиланган вақтдан камида 1,5 соат олдин (1-сменада 06:30 га қадар, 2-сменада 17:30 га қадар) олиб келишлари сўралади.
Талабгорлар имтиҳон ўтказиладиган ҳудудга фақат “туғилганлик ҳақида гувоҳнома” ва “рухсатнома” билан киритилади.
Кеч келган ёки хужжатлари мавжуд бўлмаган талабгорлар тест синовларига киритилмайди.
