Таълим ва илм-фан ягона бошқарув тизимида: янги модель нималарни ўзгартиради?
Таълим ва илм-фанни бошқариш бўйича янги ислоҳотлар халқаро тажрибага асосланмоқда.
Ривожланган давлатларнинг кўпчилигида таълимнинг асосий босқичлари битта бошқарув тизими доирасида мувофиқлаштирилади.
Бундай бошқарув модели АҚШ, Англия, Австралия, Корея, Латвия, Литва, Нидерландия, Чехия, Норвегия, Финляндия, Хитой, Япония ва бошқа ривожланган мамлакатларда ҳам қўлланади. Бу таълим сиёсатини умумий ёндашув асосида самарали амалга ошириш имконини тақдим этади.
Таълим сиёсатининг асосий йўналишларини бирлаштирилган бошқарув тизими доирасида мувофиқлаштириш инсоннинг таълим олиши ва ривожланишини узвий жараён сифатида ташкил этишга хизмат қилади. Шу билан бирга, олий таълим муассасалари мустақиллигини кенгайтириш муҳим тамойил ҳисобланади.
Эътиборли томони, давлатимизнинг олий таълим муассасалари фаолиятига аралашувини қисқартириш, уларга кенгроқ мустақиллик бериш ҳамда нодавлат сектор имкониятларини кенгайтиришни кўзда тутмоқда. Дунё тажрибасида эркин рақобат ва бозор муносабатларидаги шартлар таълим сифатини оширишга муҳим туртки беради.
