“Sputnik V”ни қабул қилиш оралиғи ва унинг иккинчи компонентлари қачон келтирилиши маълум бўлди
Интернет тармоқларида “Sputnik V” вакцинасининг компонентлари етишмовчилиги кузатилаётгани ҳақида хабарлар тарқалмоқда.
Бунга жавобан, Соғлиқни сақлаш вазирлиги қуйидагиларни маълум қилади:
"Шу кунга қадар мамлакатимизга 370 минг доза “Sputnik V” вакцинаси олиб келинган. Уларнинг 230 000 дозаси 1 – компонент, 140 000 дозаси 2-компонент ҳисобланади.
2021 йил 4 август ҳолатига кўра, 341 260 доза “Sputnik V” эмлаш жараёнларида қўлланилган бўлиб, 212 818 нафар шахс вакцинанинг фақат биринчи дозасини олган. 128 442 нафар фуқаро 2-дозани ҳам қабул қилиб, тўлиқ эмланган.
Маълум бўлмоқдаки, вакцинанинг ҳар иккала компонентлари миқдори тенглашиши учун юртимизга яна 90 минг доза вакцина келтирилиши керак. “Sputnik V”нинг 90 минг дозалик 2-компоненти яқин кунларда юртимизга келтирилиши кутилмоқда" - дейилади хабарда.
Гамалея номли илмий тадқиқот институтининг нуфузли олимлари “Sputnik V” вакцинасининг биринчи ва иккинчи компонентлари билан эмланиш оралиғини 21 кундан 90 кунгача узайтириш мумкинлигини маълум қилишган.
