Элдор Шомуродов: «Моуриньо билан мулоқотда муаммолар бор»
«Рома» ҳужумчиси Элдор Шомуродов Европа Конференциялар Лигасининг саралаш босқичи доирасида «Трабзонспор»га қарши ўтказилган ўйинидан (2:1) сўнг ўз фикрлари билан ўртоқлашди.
Урган голим жамоамга фойда келтирганидан хурсандман.
Моуриньо билан мулоқотда муаммога дуч келяпман. Чунки итальян тилида ҳали яхши гапира олмайман. Лекин ўйин вақтида бир-биримизни тушуняпмиз.
Жамоага янги келган Тэмми Абраҳам? У билан бирга ўйнай оламан деб ўйлайман, дея таъкидлади «Рома» футболчиси Элдор Шомуродов.
Шунингдек, Элдор римликлар матбуот хизматига берган интервьюсида голини ўйиндан бир кун олдин туғилган кунини нишонлаган бувисига бағишлаганини айтди.
Қайд этиш жоиз, ўзбекистонлик футболчи «Рома» таркибидаги илк расмий ўйинида гол урди. Бунгча у римликларнинг «Бетис»га қарши назорат ўйинида (2:5) рақиб дарвозасини ишғол қилганди. «Ража» клубига қарши ўйинда (5:0) эса битта гол ва голли узатма муаллифига айланган.
