Салоҳ «Ливерпул» тарихида энг кўп маош олувчи футболчига айланади
«Ливерпул» клуби Муҳаммад Салоҳ билан шартномани узайтирмоқчи. Бу борада томонлар аллақачон музокара олиб бормоқда.
Хабарларга кўра, Салоҳ «Ливерпул» тарихидаги энг кўп маош оладиган футболчига айланиши мумкин. Ҳозирда у ҳафтасига тахминан 233 минг евро маош олади.
29 ёшли мисрлик ҳужумчининг амалдаги шартномаси 2023 йилнинг июнигача эди. Ўзаро келишув натижасида шартнома 2025 йилга қадар узайтирилиши мумкин.
Муҳаммад Салаҳ «Ливерпул» сафида 2017 йилдан буён тўп суриб келмоқда. У клуб таркибида Англия чемпионлиги билан бир қаторда Европа чемпионлар лигаси ва клублар ўртасидаги жаҳон чемпионлигини қўлга киритди. Мисрлик футболчи Англия Премьер лигаси янги мавсумининг биринчи турида «Норвич» дарвозасига учта тўп киритди. Шу тариқа у чемпионатнинг бошланғич турида урилган голлар бўйича рекорд ўрнатди. Бу футболчи учун Англия чемпионатининг биринчи турида муваффақиятли ўтган бешинчи учрашувдир.
Эслатиб ўтамиз, Бундан аввалроқ футболчининг «Реал Мадрид» га ўтиши мумкинлиги ҳақида хабарлар тарқалган эди.
Жамшид Амиров
