«Бизга яхши футболчилар керак» – Сречко Катанес
Ўзбекистон футбол терма жамоасига бош мураббий бўлиши кутилаётган словениялик Сречко Катанец кеча Тошкентдаги «Бунёдкор» va «Жар» стадионларини бориб кўрди.
Мураббий шундан сўнг стадионларнинг бугунги ҳолати юзасидан ўз фикрларини билдирди: « Футбол майдонлари об-ҳаво туфайли унчалик яхши ҳолатда эмас. Келгусида барчаси яхши бўлади, деб умид қиламан. Яқинда ҳамма нарса ўзгаради. Ўйинчилар ҳам алмашиши мумкин. Ўзбекистон терма жамоасидаги футболчиларни яхши биламан. Энди уларнинг ўйинини мунтазам кузатиб боришимиз керак. Ўзбекистон терма жамоаси билан яхши натижаларга эришиш мумкин. Агар бир қарорга кела олсак, қўлимдан келганича ҳаракат қиламан. Энг муҳими бизга яхши футболчилар керак».
Эслатиб ўтамиз, словениялик мураббий 18 август куни ўзаро келишувнинг сўнгги босқичини амалга ошириш учун Тошкент шаҳрига келганди. Бундан олдин Сречко Катанец Ироқ терма жамоаси бош мураббийи сифатида иш олиб борган.
Жамшид Амиров
