UFC 265 турнир: Франциялик Сирил Гейн лиганинг вақтинчалик чемпионига айланди
Хьюстонда (Техас штати, AҚШ) аралаш жанг санъатлари бўйича UFC 265 турнири якунланди. Унинг асосий мусобақасида оғир вазн тоифасида вақтинчалик чемпион унвони ўйналди. Деррик Льюис ва Сирил Гейн камар учун курашди.
Кўплаб мутахассислар ва мухлислар, агар бу дивизионнинг тўлиқ ҳуқуқли чемпиони Френсис Нганну бўлса, нима учун лига вақтинчалик камар учун курашни уюштираётгани билан қизиқди. Нганну ҳам шу саволни UFC президенти Дана Уайтга берганди, аммо қониқарли жавоб ололмади. Қандай бўлмасин, жанг режалаштирилган ва унинг иштирокчилари фақат имкониятдан фойдаланишлари керак эди.
Жангнинг фаворити бўлган Гейн, букмекер идораларининг рўйхатига кирган. Француз шу йилнинг ўзида уч маротаба октагонга кирди. Шу йилнинг февраль ойида у Жаирзиньо Розенструйкни очколар бўйича мағлуб этди. Июнь ойида эса Aлександр Волковни тактик жиҳатдан устун қўйди ва ажойиб нокаут билан ғалаба қозонди.
Льюисга келсак, у бу йил фақат бир марта жанг қилди. Февраль ойида "Қора йиртқич" лақабли жангчи Кёртис Блейдсни нокаутга учратди. Aсосан, чемпионлик жангида ғалаба қозонди. Aммо у бунинг ўрнига вақтинчалик камар учун жанг ўтказди. Маълумотларга таяниб айта оламизки, Льюис вақтинчалик чемпионлик унвони учун курашишга мартаба ва тажрибаси рақиблариникидан кўра камроқ эди.
Жанг ҳақида тўхталадиган бўлсак, Гейн, асосан, паст зарбаларни улоқтирди. Раунд охирига келиб, муҳим зарбалар бўйича статистикалар Гейн фойдасига аниқроқ эди — 13: 0. Биринчи бўлимнинг сўнгги сонияларида Гейн бўшашди. Тўғридан берилган аниқ учта зарбани ўтказиб юборди. Шундан сўнг, давра америкалик жангчи фойдасига ўтди.
Иккинчи беш дақиқалик жанг майдонида ҳеч нарса ўзгармади. Льюис ҳали ҳам ўзи учун қулай масофага эришиш муаммоси билан ҳеч нарса қила олмади. Француз яна рақибига паст зарбалар ёғдирди. Льюиснинг уринишлари муваффақиятсиз тугади. Жангнинг тўққизинчи дақиқасига келиб, Деррик иккита муҳим зарбага эга бўлди. Гейннинг зарбалар сони эса ўттиздан ошди.
Жанг шу йўсинда давом этди. Франциялик жангчи енгил зарбалар йўллаб рақибини чарчатди. Бу зарбалар аввалига Льюисга ҳеч қандай таъсир кўрсатмади. Aммо раунд охирига келиб, Льюисннинг ҳолдан тойганини кузатиш мумкин эди. Зарбалар америкалик жангчига ёмон таъсир ўтказди. Кетма-кет зарбалар ва Льюиснинг ҳеч қандай жавоб қайтара олмаслигини кўрган ҳакам жангни тўхтатишдан бошқа иложи қолмади. Франциялик супероғир жангчи Сирил Гейн техник нокаут билан ғалаба қозонди ва лиганинг вақтинчалик чемпионига айланди.
Мурод Баҳодиров
