Осиё Кубогининг саралаш ўйинлари марказлашган тартибда ўтказилади

 

Хабарларга кўра, Осиё Кубоги саралаши учун қуръа ташлаш маросими 2022 йил март ёки апрель ойида ўтказилади. Саралаш ўйинлари эса 2022 йил июнь ойида марказлашган тартибда ўтказилади. Яъни, ҳар бир гуруҳдаги ўйинлар битта мамлакатда бўлиб ўтади.

 

Маълумот учун, жаҳон чемпионати саралашининг ҳал қилувчи босқичига йўл ололмаган Ўзбекистон Осиё чемпионатига чиқиш учун саралашда қатнашиши керак. Ўзбекистон саралашдаги рейтинги энг баланд жамоа сифатида биринчи саватчадан ўрин олган. Биринчи саватчада Ўзбекистондан ташқари Баҳрайн, Иордания, Қирғизистон, Фаластин ва Ҳиндистон ҳам ўрин олган. Яъни бу жамоалар Ўзбекистонга рақиб бўлмайди. Саралашдаги олтита гуруҳда тўрттадан жамоа бўлади. Гуруҳ ғолиблари ва иккинчи ўриндаги энг яхши 5 жамоа Осиё Кубогига чиқади. “ЖЧ-2022” ҳал қилувчи саралашига чиққан 12 жамоа ҳам Осиё Кубогида иштирок этади. Ўзбекистон миллий жамоаси бош мураббийи бўлиши кутилаётган Сречко Катанецда расмий ўйинларгача янги жамоани шакллантириш учун бир йил имкон бўлади.

 

Жамшид Амиров