«ПСЖ» «Брест»ни Мессисиз мағлуб этди
«ПСЖ» Франция чемпионати 3-тур учрашувида «Брест» устидан 4:2 ҳисобида ғалаба қозонди.
Биринчи бўлимнинг 23-дақиқасида Андер Эррера жамоасини олдинга олиб чиқди. 13-дақиқадан сўнг Килиан Мбаппе парижликлар устунлигини таъминлади. Танаффусга қадар «Брест» Франк Хонорнинг голи эвазига ҳисобни биттага қисқартирди. Бироқ Идрис Гейн урган гол «ПСЖ» ни яна икки тўп олдинга чиқиб олди.
Ўйин тугашига беш дақиқа қолганида «Брест» ҳужумчиси Стив Мюниер томонидан киритилган тўп мезбонларга яна умид берди. Сўнгги дақиқаларда Анхел Ди Мария қарши ҳужумдан сўнг парижликларни яна олдинга олиб чиқди.
Учта ўйиндан сўнг Париж клуби тўққиз очко билан турнир жадвалида биринчи ўринни эгаллаб турган бўлса, «Брест» 2 очко жамғариб, 12-ўриндан жой олган.
Хабарларга кўра, «Барселона»дан «ПСЖ»га ўтган Лионел Месси 29 август куни «Реймс» га қарши сафар учрашувида дебют қилиши мумкин.
Жамшид Амиров
