«Жанжалга «Марсел» футболчилари айбдор» — «Ницца» президенти
«Ницца» президенти Жан-Пьер Риве Франция чемпионати 3-тур ўйинида мухлислар майдонга чиқиб кетиб, учрашувни бузганига «Марсел» футболчилари айбдор эканлигини айтди: “Катта муштлашувга олиб келган бу можаронинг сабабчиси иккита меҳмон футболчининг хатти-ҳаракати эди.
Учрашувнинг бу тарзда якунлангани жуда ачинарли.
«Марсел»нинг хавфсизлик ходимлари майдонга чиқиб, футболчиларимизга тазйиқ ўтказмаслиги керак эди. Рақибимиз ўйинни давом эттиришдан нега бош тортганини тушуна олмаяпман”.
Эслатиб ўтамиз, кеча Франция чемпионати 3-тур доирасида «Марсел» «Ницца» билан майдонга тушди. Учрашувнинг иккинчи бўлимида майдонда мухлислар ва футболчилар иштирокида муштлашув бошланди.
Мухлислар аввал майсазорга турли-хил буюмларни улоқтирди, сўнг майдонга чиқиб кетди. Шундан кейин баҳс тўхтатилди. Жанжалдан кейин «Марсел» майдонга тушишдан бош тортди. Шу тариқа ғалаба «Ницца» ҳисобига ёзилди.
Жамшид Амиров
