Коронавирусга чалинган паралимпиaчиларимиз қай тартибда даволанмоқда?
“21 август куни Токиога келдик. Аэропортдан тушишимиз билан тиббий кўрикдан ўтказилдик. Шунда дзюдочи қизимизда ҳам вируснинг айрим симптонлари аниқланди ва карантинга олинди. Сўнг, унинг мураббийи ва у билан мулоқотда бўлган яна бир паралимпиaчимиз ҳам карантинга олинди.
Ҳозирда улар япониялик шифокорлар назоратида. Машғулотлардан асло тўхтаб қолишгани йўқ. Улар алоҳида шуғулланяпти. Спортчиларимиздан шифокорлар яна бир-икки кун анализ олишади. Уларнинг мусобақада иштирок этишида ҳеч қандай муаммо бўлмайди. Паралимпиaдада қатнашаётган бошқа давлат спортчилари орасида ҳам Covid-19 билан касалланиш ҳолатлари аниқланди.
Ваҳима қилишга ҳеч қандай ҳожат йўқ. Спортчиларимиз ҳам яқин кунларда карантиндан чиқишади. Фақат улар мусобақада иштирок этиш учун аҳолида махсус автобусларда бориб келади”, — дейди делегациямиз aьзоси Малика Муродова.
Эслатиб ўтамиз, аввалроқ коронавирусга чалинган спортчимиз билан яқин масофада бўлган Нурхон Қурбонова байроқдорликдан озод қилингани ҳақида хабар берилганди.
Жамшид Амиров
