Мессининг дебют ўйини томошаси Испанияда рекорд натижани қайд этди
Лионел Мессининг «Paris Saint-Germain» сафидаги дебют ўйинини Испанияда 2 миллиондан ортиқ мухлис томоша қилди. Шу тариқа «PSJ» ва “Reyms” ўртасидаги «французлар баҳси» Испанияда энг кўп томоша қилинган ўйин сифатида рекорд ўрнатди.
34 ёшли аргентиналик Неймар ўрнига алмаштирилиб, 30 дақиқа ўйнаган учрашувда “PSJ” 2-0 ҳисобида “Reyms” устидан ғалабага қозонди. Жамоанинг иккала голига ҳам «Real» нишонида турган Килиан Мбаппе муаллифлик қилди.
Мессининг дебюти Испаниянинг “Telecinco” бепул канали орқали эфирга узатилди. 2,2 миллион томошабинга эга бўлган ушбу учрашув якшанба куни мамлакат бўйлаб энг кўп кўрилган кўрсатувга айланган. Дунё миқёсида оладиган бўлсак, «ПСЖ»нинг ўша ғалабасини 6,7 миллиондан зиёд одам томоша қилган. Таққослаш учун: “Barselona” “Xetafe” устидан 2-1 ҳисобида ғалаба қозонган ўйинни телевидение орқали 591 минг мухлис кўрган.
Маълумот учун, Лионел Месси “PSJ” сафига ўтганидан сўнг унинг собиқ жамоадоши Жерард Пике Испания бўйлаб Франция чемпионати трансляция ҳуқуқини сотиб олганини айтган эди.
Эслатиб ўтамиз, бундан аввал “Real” бу ёзни Мбаппесиз ўтказиши ҳақиа хабар берган эдик.
Мақсаджон Обиджонов
