Рикелме Мессининг қачон «Барса»га қайтиши ҳақида гапирди
Аргентина терма жамоаси собиқ футболчиси Хуан Роман Рикелме Лионель Мессининг келажаги ҳақидаги фикрлари билан ўртоқлашди.
“Умид қиламанки, Лео ҳозир бахтли. Уни бошқа жамоа либосида кўриш ҳақида бирор нарса дейишим қийин. Лекин биз майдонда бир вақтнинг ўзида ҳаракатланаётган Месси, Неймар ва Мбаппени кўришни, уларнинг ўйинидан завқланишни истаймиз. Агар “PSJ” ҳозир чемпионлар лигасида ғолиб бўлмаса, улар буни Мессисиз қила олишмайди. Ўйлайманки, Лео бу совринни парижликлар билан қўлга киритади, кейин эса «Барселона»га қайтади”.
Маълумот учун, Месси французлар билан икки йиллик шартнома имзолаган. Битим яна бир йилга узайтирилиши мумкин.
Лионель Месси “PSJ” сафидаги дебют ўйинини “Reyms”га қарши ўтказди. Учрашув парижликларнинг 2:1 ҳисобидаги ғалабаси билан якунланди.
Эслатиб ўтамиз, аввалроқ Мессининг дебют ўйини томошаси Испанияда рекорд ўрнатгани ҳақида хабар бергандик.
Мақсаджон Обиджонов
