“Барселона”нинг Ансу Фатидан умиди катта
Хабарларга кўра, каталонияликлар “Барселона” тарбияланувчиси Ансу Фатини клуб етакчисига айлантирмоқчи.
Шу боис улар футболчига янги шартнома тайёрламоқда. Фатининг ўзи ҳам бу таклифга розилигини билдирган.
18 ёшли ярим ҳимоячи жамоада 10-рақамда ўйнайди. Аввалроқ, бу рақам аргентиналик ҳужумчи Лионел Мессига тегишли эди. Месси “ПСЖ” клубига ўтганидан сўнг Фати ушбу рақамни олгани маълум бўлди.
Футболчи 2019 йилда “Барселона”нинг асосий таркибига киришга муваффақ бўлган. У ўтган мавсумда жамоа сафида 7 та ўйинда иштирок этди ва 4 та гол урди. Ўтган мавсумда клуб ва футболчи Испания кубоги соҳибига айланган. 2020 йил ноябрь ойида ярим ҳимоячи тиззасидан қаттиқ жароҳат олади. Шундан сўнг у шу йилнинг август ойида яна жамоа машғулотларига қайтди.
Маълумот ўрнида: Ансу Фати 2020 йилдан буён Испания футбол терма жамоасининг ўйинларида мунтазам қатнашиб келмоқда.
Эслатиб ўтамиз, аввалроқ Лионел Мессининг “ПСЖ” сафидаги дебют ўйини Испанияда рекорд даражада кўрилгани ҳақида хабар берилганди
