Тошкентда поло бўйича “Мустақиллик кубоги-2021” мусобақаси бошланди

 

 

Шу йил 3-5 сентябрь кунлари пойтахтимиздаги «Пахтакор» стадионининг захира майдонида поло бўйича “Мустақиллик кубоги-2021” мусобақаси ўтказилиши ҳақида хабар бергандик. Ўзбекистон Республикаси мустақиллигининг 30 йиллигига бағишлаб ташкил этилган ушбу мусобақада илк маротаба мамлакатимизнинг 8та поло жамоаси қатнашиш истагини билдирди.

 

Булар:

1. “Ўзбекистон темир йўллари” АЖ поло клуби (Қашқадарё),

2. “Мега спорт” поло клуби,

3. «Жалолиддин» поло клуби,

4. “Миллий гвардия” поло клуби,

5. “Универсал Жампинг” поло клуби,

6. “НEСТ ОНE Қорабайир” миллий бренди” поло клуби,

7. «Чегарачилар» поло клуби,

8. «Бухоро» поло клуби.

 

 

Мусобақа Олимпия тизимида ташкил этилиб, қуръа ёрдамида жамоалар ўз рақибларини билиб олишди. Бироқ, чорак финал жуфтликларидан фақат биргина ўйинда мухлислар ҳақиқий қарама-қаршиликка гувоҳ бўлишди. Миллий гвардия ҳамда Жалолиддин поло клублари ўртасидаги ўйинда 13-12 ҳисобида гвардиячиларнинг қўли баланд келди. Қолган чорак финал ўйинлари у ёки бу томоннинг яққол устунлигида ўтди. Натижалар билан танишинг:

 

“Ўзбекистон темир йўллари” АЖ (Қашқадарё) – “Мега спорт” – 14:0

“Универсал Жампинг” – “НEСТ ОНE Қорабайир” миллий бренди” – 4:7

«Бухоро» – «Чегарачилар» – 1:9

 

Эртага бўладиган ярим финал баҳсларида “Ўзбекистон темир йўллари” АЖ – Миллий гвардия ҳамда “NEST ONE Qorabayir” миллий бренди” – «Чегарачилар» поло жамоалари ўзаро тўқнаш келишади.

 

Мусобақанинг тантанали очилиш маросими ҳамда қорабайир зотига мансуб отлар фестивали 4 сентябрь куни соат 11:00да бошланади. Барча от спорти ихлосмандларини ушбу спорт тадбирига таклиф этамиз.