Заррух Адашев: “Америкада туғилган қизим миллий урф-одатларимизни ўргансин дейман.”

 

Бу спорт тури мамлакатимизда ҳам кенг ёйиляпти. Спортчиларимиз халқаро мусобақаларда иштирок этяпти.

 

 UFC'да бугунги кунда 4 нафар спорчимиз иштирок этаяпти. Улардан бири — Заррух Адашев.

 

Заррух Адашев 1992 йил 29 июлда  Самарқанд шаҳрида туғилган. Glory Kikboxing ва Bellator  каби мусобақаларда фаол иштирок этади.

 

—Бугунги кунда хорижда  истиқомат қилаяпсиз. У ерга кетишингизга нима сабаб бўлди?

 

—2012 йил Грин-карта ютиб олиб АҚШга кўчиб кетдим.   Бир вақтнинг ўзида ўша ерда ишлаб, кикбоксинг  билан ҳам шуғулландим. Ўз устимда тинимсиз ишладим, меҳнат қилдим.   Меҳнатим самараси ўлароқ ҳаваскорлар ўртасида икки карра  жаҳон чемпиони бўлдим. ММА бўйича жаҳон чемпионатида  2- ўринни олдим.

 

Шундан сўнг кикбоксинг бўйича  профессионал жангларда ииштирок эта бошладим. 2017 йил Ўзбекистонга қайтиб келдим, кикбоксинг бўйича энг катта Glory Kikboxing прамошинда рингга чиқдим ва унда ютдим. Сўнг   Bellatorда 3 та жанг ўтказиб, ҳаммасида ғолиб бўлдим.  Кейинчалик UFC билан контракт туздим ва у ерда ҳам  3 та жанг ўтказдим.

 

—Нима сабабдан  UFC'ни танладингиз?

 

—Бу спорт турини танлашимдан мақсад  ММА бўйича UFC  энг нуфузли прамошин ҳисобланади. Иккинчи ўринда Bellator туради.Ўйлаб кўрсам Bellatorнинг келажаги йўқ экан. Қолаверса, мени оғирлигимга мос  титул топилмади. Шу сабаб  UFC'ни танлаганман.  UFC'га мен болаликдан қизиқаман, 5 ёшимдан машқ қилишни бошлаганман.     

 

—Рақибингиз  Раян Беноит белгиланган вазнни бажара олмаганлиги туфайли UFC'даги жанг бекор қилинди. Бунга қандай муносабат билдирасиз?

 

—Ҳа, жангим бекор қилинди, у белгиланган вазнни бажара олмади, аммо мен у билан ҳар қандай вазнда курашишга тайёрман. Шифокорлар унга қарши жанг қилишимга рухсат беришмади. Унинг тезроқ соғайиб кетишини сўрайман. Мен бу жангга астойдил тайёргарлик кўрдим, юқори спорт формасида эдим, лекин бу ҳозирча насиб қилмай турибди.

 

—Юртимизга келишингиздан мақсад нима,  жанг ўтказмоқчимисиз?

 

—Келишимдан асосий мақсад  ота-онам, синглим, қариндош, ёр-бродарларни   кўриш. Қолаверса, юрт соғинчи. Уйландим, қизлик бўлдим, фарзандимни яқинларимга кўрсатиш учун  ҳам олиб келдим. Миллий урф-одатларимиздан хабардор бўлсин, ўргансин, дейман.

 

—Ўнг қўлингиздан   олган жароҳатингиз туфайли яқин орада жанг қилолмас экансиз, шу ростми?

 

—Бу қўлим аввал ҳам айнан шу еридан 4 маротаба синган. Лекин операция қилдирмаган эдим. UFC жангимнинг биринчи раундида қайта синди. Аммо  жангни тўхтатмадим. жароҳат билан бўлса-да давом эттирдим. Операция қилдирдим.  Шифокорлар 3 ойгача жанг қилмаслигимни тавсия қилди. Аммо мен  машғулотларни тўхтатиб қўймадим.  Машғулотларим доимгидек давом этяпти.

 

—Келгусидаги режаларингиз?

—Режаларим катта.  Хорижда  малака ошириб, тажрибам ва билимимни Ўзбекистондаги ёшларга ўргатиш ниятим бор.  Спорт  ҳаётимнинг бир бўлагига айланган. Келажакда катта жангларда қатнашиш, юртимиз байроғини баланд кўтариш — ягона орзуим ва мақсадим.

 

Муножат Валиева суҳбатлашди.