Роналд Куман: "Barsa"да Люк де Ёнг каби футболчининг бўлиши имкониятларимизни янада оширади”
«Barselona» клуби бош мураббийи Роналд Куман «Sevillia»дан сотиб олинган ҳамюрти ҳақида фикр билдирди.
“Люкнинг жамоага келиши тасодифан бўлгани йўқ. Уни сотиб олиш режаси август ойи бошидан бери кўриб чиқилаётган эди. Мен жамоамизда бизникидан фарқ қилувчи ҳужумчи бўлишини хоҳлардим ва де Ёнгни яхши билганим учун уни сафимизга қўшиб олишни таклиф қилдим.
«Barselona»дек буюк жамоада Люк де Ёнг каби футболчи бўлмаслиги мумкин эмас. Чунки у бизнинг имкониятларимизни янада кенгайтиради. Жарима зарбалари ва бурчак тўпларида, айниқса, бош билан жуда ҳам яхши ўйнайди. Бу трансфердан мамнунман”, - дейди «кўк-анорранглилар» бош мураббийи.
Маълумот учун, 31 ёшли нидерландиялик футболчи 2019 йилдан буён «Sevillia» жамоасида тўп сурган. У 94 та ўйинда майдонга тушиб 19 та гол урган ва 5 та голга ҳаммуаллифлик қилган.
Eслатиб ўтамиз, аввалроқ Хавиер Тебаснинг месси ҳақидаги фикрларфини тақдим этгандик.
Мақсаджон Обиджонов
