«Barselona»да Месси йўқ, лекин таркиб ҳамон кучли» — Юлиан Негелсман
«Bavariya» клуби бош мураббийи Юлиан Негелсман Чемпионлар лигасининг гуруҳ босқичи доирасидаги «Barselona»га қарши ўйин олдидан интервью берди. Мураббий Лионел Мессининг жамоадан кетиши ҳақида ҳам ўз фикрини билдириб ўтди.
“Лео ноёб футболчи. Тўғри у энди «Barsa»да эмас, лекин уларда ҳали натижа чиқара оладиган кучли таркиб мавжуд. Биз ютуқ учун ҳамма нарсага тайёрмиз. Назаримда, каталонлар анча кучсизланиб қолган. Аммо бу хотиржам бўлишимизга асос бўла олмайди. Биз 3 очкони кўзлаяпмиз”, — дейди мюнхенликлар бош мураббийи.
Маълумот учун: бугун Чемпионлар лигаси гуруҳ босқичининг 1 тур ўйинларига старт берилади. Унда «E» гуруҳидан ўрин олган «Barselona» ва «Bavariya» жамоалари майдонга тушади. Учрашув Тошкент вақти билан 00:00 да бошланади.
Эслатиб ўтамиз, бундан аввал «Bavariya»нинг Тимо Вернер трансфери ҳақида хабар берган эдик.
Мақсаджон Обиджонов
