8-қаватдан ўзини ташламоқчи бўлган аёл билан боғлиқ воқеа очиқланди
Тошкент шаҳар ИИБ матбуот хизмати томонидан воқеа юзасидан тайёрланган репортажда айтилишича, қиз севган йигити билан жанжаллашиб қолгани сабаб жонига қасд қилишга қарор қилган.
Аввалроқ, 15 сентябрь куни ижтимоий тармоқларда Яккасарой туманидаги тўққиз қаватли бинонинг саккизинчи қавати йўлаги деразасидан номaълум аёл ўзини пастга ташламоқчи бўлиб тургани акс этган фотосурат тарқалгани ҳақида хабар бергандик.
2021 йилнинг 13 сентябрь. Яккасарой туманидаги кўп қаватли уйлардан бирида яшовчи Виктор Ким одатдагидек ишга отланаётганди. Уй даҳлизидан ўтиб борар экан, йўлак ойнасининг 7-8 қаватидаги ташқи тарафда турган нотаниш қизга кўзи тушади. Гувоҳ воқеани шундай эслайди:
“9:25 лар атрофида ишга кетиш учун остона ҳатлаб чиқарканман, кўзим нотаниш қизга тушди. Аввалига кимдир деразаларни ювишга қарор қилганга ўхшайди ёки альпинистлар ишлаяпти шекилли, деб ўйладим. Аммо яхшилаб қарасам у пушти кийимда ва кўзойнак таққан. Альпинистлар эса бундай либосда бўлмайди. Шундан сўнг қиздан бу ерда нима қиляпсиз?, - деб сўрадим. У эса “сакрамоқчиман” деб жавоб берди. Қиз қўшнимиз эмас, қаердан келиб қолгани ҳам тушунарсиз. Пастга тушиб Ички ишларга қўнғироқ қилдик. 6-7 дақиқа ичида ҳамма шу ерда бўлди” .
Ички ишлар органлари ва фавқулодда вазиятлар вазирлиги ходимлари воқеа жойига зудлик билан етиб келишди. Ҳамда нотаниш аёлни қутқариш чоралари кўрила бошланди.
Викторнинг айтишича, аёл бир неча дақиқа ичида қутқарилган. “Бундай вазиятларда музокара олиб бориш қийин иш, балки ходимлар учун бир аср ўтгандекдир. Ҳар холда инсон ҳаётини сақлаш қолиш учун курашиш осон иш эмас”.
Психологларнинг сўзларига кўра, суицидга қўл уриш бу “мени қутқар” дегани. Бундай қарорга келган кишилар инсонлар ижтимоийлашувидан чеккага чиқиб қолишганини англатади.
Муқаддас Фаёзова
(Тошкент шаҳар ИИБ матбуот хизмати билан ҳамкорликда тайёрланди)
