Хонанда МакSим комадан кейин биринчи марта интервью берди (видео)
Хонанда МакSим узоқ давом этган коронавирусдан сўнг машҳур телебошловчи Ксения Собчакка интервью берди.
Бошловчининг “сен билан юз берган барча воқеалардан сўнг ҳаёт ҳақида нимани англадинг” деган саволига, хонанда “ҳамма нарса шунчаки содир бўлмаслигини, нима учундирки ҳали ҳам шу ердалигимни ва ҳали кўп нарсага улгуришим кераклигини тушундим” деб жавоб берган.
Қайд этиш керакки, бу МакSимнинг комадан кейинги биринчи интервьюси. Собчак ва Марина МакSимнинг орзусидаги либос, комадан кейинги вазн, ИВЛга ҳақиқатдан ҳам уландими йўқми, касалликнинг асоратлари, вакцинация, МакSим Maybachни қаердан олгани каби мавзуларни муҳокама қилишади.
Маълумот ўрнида МакSим июнь ойида юқори даражали пневмония билан касалхонага ётқизилгани, 19 июнь куни у реанимацияга ўтказилиб, сунъий кома ҳолатига туширилгани, соғайганидан сўнг шифокорлар ва мухлислар уни қаҳрамонлар сингари уйига кузатиб қўйишгани ҳақида хабар қилган эдик.
