Қамоқхонадан бундан 30 йил олдин қочган маҳбус полицияга келиб таслим бўлди
Бундан тахминан 30 йил олдин Aвстаралиянинг Янги Жанубий Уэлс штатидаги қамоқхонадан қочган Дарко Десич исмли эркак полицияга таслим бўлди. У коронавирус пандемияси туфайли уйидан маҳрум бўлгач қамоқхонага қайтишга қарор қилган. Бу ҳақда “ABC” хабар бермоқда.
90-йилларда Дарко Десиc уч ярим йиллик қамоқ жазосига ҳукм қилинган эди. У марихуана ўстиргани учун ҳибсга олинган. Бироқ у 13 ой панжара ортида ўтиргандан сўнг, 1992 йил 1 августга ўтар кечаси қамоқхонадан қочиб кетди. Бу ишни у бир ўзи больт кесувчи ва бошқа асбоблар ёрдамида амалга оширган.
Полиция уни шу вақтга қадар қидирган. Баъзи манбаларга кўра, у Сиднейнинг шимолий пляжига қочиб кетган ва у ерда қурилишда ёлланма ишчи бўлиб ишлаган.
Десич Aвалондаги ижара уйда яшаган, лекин пандемия туфайли ишини йўқотиб, уйни тарк этишга мажбур бўлган. 64 ёшли эркак бошпана топа олмагач полицияга таслим бўлишга қарор қилган.
Насиба Тўхтаева
