Европа Парламенти Афғонистондан одамларни эвакуация қилиш борасида резолюция қабул қилди
Европа Парламенти Афғонистондан одамларни мувофиқлаштирилган ҳолатда эвакуация қилишга чақирди. Парламент депутатлари Страсбургда бу борада резолюция қабул қилди.
Уларнинг фикрича, Бирлашган Миллатлар Ташкилотининг Қочоқлар бўйича Олий Комиссарлиги идораси муҳтожларга хавфсиз йўлаклар яратиш, шунингдек, Кобул аэропорти ва чегарадан ўтиш жойларини очишда бош-қош бўлиши керак.
Европа Иттифоқи ночор аҳволда қолган ва Афғонистондан кетмоқчи бўлган аёлларга кўпроқ ёрдам бериши керак. Европа Парламенти мамлакатни бошқараётган “Толибон” ҳаракатидан кетишни истаётган фуқаролар учун рухсат кутмоқда.
"Муҳтож фуқароларга гуманитар ёрдам кўрсатиш, чет эл фуқаролари ва мамлакатни тарк этмоқчи бўлган афғонларни хавфсиз кузатиб бориш учун “Толибон” билан моддий-техник ва ташкилий масалалар бўйича алоқалар зарур”, дейилади резолюцияда.
Шу билан бирга, депутатлар Европа Парламенти Афғонистоннинг ҳозирги ҳукуматини тан олмаслиги кераклиги, Афғонистондаги вазиятни ҳисобга олган ҳолда афғонларнинг илгари рад этилган бошпана сўровларини қайта кўриб чиқиш лозимлиги, қочқинлар ҳар қандай ҳолатда ҳам “Толибон” босиб олган мамлакатга қайтарилмаслигини таъкидлади.
Насиба Тўхтаева
