Роберто Морено: «Дунёнинг энг яхши футболчиси фаолиятини севимли клубида якунламаслиги ачинарли»
Яқин кунларда «Гранада» жамоаси «Ла Лига» доирасида Каталониянинг «Барселона» клуби билан майдонга тушади.
Гранадаликлар бош мураббийи Роберто Морено бўлажак ўйин борасидаги фикрлари билан ўртоқлашди.
Моренонинг айтишича, каталонияликлар Лионел Мессисиз энди аввалгидек қўрқинчли эмас. Бундан ташқари, мураббий аргентиналик футболчининг кетганидан афсусда эканини таъкидлади: « Дунёнинг энг яхши футболчиси фаолиятини севимли клубида тугатмаслиги ачинарли. Афсуски, бу ҳақиқат. Шуни ҳам қўшимча қилиш керакки, клуб манфаатлари ҳар қандай футболчидан устун»,— дейди Роберто.
Маълумот учун: Роберто Морено муайян муддат Лионел Месси билан ҳам бирга ишлаган. У Луис Энрике «кўк-анорранглилар»ни бошқарган даврда бош мураббий ёрдамчиси бўлган.
Эслатиб ўтамиз, бундан аввал Пеленинг яна жонлантириш бўлимига ётқизилгани ҳақида хабар берган эдик.
Мақсаджон Обиджонов
