“UzAuto Motors” ижтимоий тармоқлардаги миш-мишларга муносабат билдирди
Сўнгги пайтларда баъзи ОAВ вакиллари ўз каналларида 2021 йилнинг август ойида “Chevrolet Spark” автомобили ишлаб чиқарилмагани ҳақида хабар беришмоқда. Бу маълумотлар ҳақиқатга тўғри келади ва Республика Давлат статистика қўмитаси маълумотлари асосида тасдиқланган.
Ушбу оммабоп автомобил моделлари ишлаб чиқарилишининг вақтинча тўхтаб қолишининг сабаби нимада?
“УзAуто Моторс” бошқарув ва ишлаб чиқаришнинг босқичма-босқич трансформациясини амалга оширди. Унинг доирасида ягона платформадаги автомобилларни ишлаб чиқаришга ўтиш режалаштирилган. Биринчи босқичда “Chevrolet Tracker” ва “Chevrolet Onix” автомобил моделлари бўлади.
Келгусида “Tracker” ва “Onix” моделларини ишлаб чиқаришни ўзлаштиришга имкон берадиган режалаштирилган ўрнатиш ва ишга тушириш ишлари жорий йил июл ойининг ўрталаридан август ойининг охиригача амалга оширилди.
Ушбу кенг кўламли модернизация ишлари автомобил ишлаб чиқарилиши учун муҳим бўлган яримўътказгичларнинг глобал танқислиги фонида содир бўлди. Юқоридаги омиллар сабаб “Chevrolet Lacetti” ва “Chevrolet Spark” моделларини ишлаб чиқариш вақтинча тўхтатилган эди.
“UzAuto Motors” компанияси тез орада ушбу автомобил моделларни қайта ишлаб чиқаришни йўлга қўяди.
