Виталий Кличко: “Александр Усик учун энг қийин жанг бўлади”
Бокс бўйича оғир вазн тоифасида собиқ жаҳон чемпиони Виталий Кличко британиялик Энтони Жошуа ва украиналик Александр Усик ўртасидаги бўлажак жанг ҳақида ўз фикрини билдирди:
“Бу жанг Усикнинг спорт карерасидаги энг қийин учрашув бўлади. Александр ҳеч қачон Жошуа даражасидаги боксчи билан тўқнаш келмаган. Аммо ҳаммасини жанг ҳал қилади. Жошуа Александр Усикдан бўй ва вазн борасида устунликка эга. Тахминимча, Жошуа Усикдан қўлларининг узунлиги ва кучли ўнг қўл зарбасига эга эканлигидан фойдаланиб, қарши ҳужумда кўпроқ ҳаракат қилади.”
Эслатиб ўтамиз, WBA, WBО, IBF ва IBО чемпионлик унвонлари соҳиби Энтони Жошуа ва Александр Усик ўртасидаги жанг 25 cентябрь куни Лондоннинг “Тоттенхем” стадионида бўлиб ўтади.
Аввалроқ, Энтони Жошуа Александр Усикнинг услубига мослашиб олгани ҳақида хабар берилган.
Жамшидбек Амиров
