Уч нафар ҳарбий боксчимиз Жаҳон чемпиони бўлди
Россия пойтахти Москва шаҳрида ҳарбий боксчилар ўртасида Жаҳон чемпионатининг финал босқичи ниҳоясига етди.
Аввалроқ хабар берганимиздек финал босқичида тўрт нафар ҳарбий боксчиларимиз иштирок этаётган эди.
Жумладан, хотин-қизлар ўртасида -75 кг. вазн тоифасида Мавлуда Мавлонова финалда Беларусь вакиласи Виктория Кебиковага қарши жанг қилиб, катта устунлик эвазига ғалаба қозонди ва мусобқанинг олтин медали билан тақдирланди.
-60 кг вазн тофиасида Шунқор Абдурасулов эса финалда россиялик Константин Опольскийга қарши баҳс олиб бориб, муваффақиятга эришди. У ҳам мусобқанинг олтин медали билан тақдирланди.
- 64 кг вазн тоифасида боксчимиз Мужибилло Турсунов афсуски финалда беларуслик Дмитрий Асановга имкониятни бой бериб қўйди.
+91 кг вазнли боксчимиз Лазизбек Мулложонов финалда россиялик Светослав Тетеринга қарши рингга кўтарилди ва ғалаба қозонди.
