Ўзбекистон таэквондо WТ жамоасига янги бош мураббий тайинланди

 

Бу ҳақда ассоциациянинг “Токио-2020” якунлари ва янги стратегик режаларга бағишланган йиғилишида маълум қилинди.

 

Йиғилишда даставвал ассоциациянинг “Токио-2020” Олимпия ўйинларигача бўлган фаолияти сарҳисоб қилинди. Унда Олимпиада якунидан кейин спортчилар иштироки чуқур таҳлил қилингани, шундан сўнг терма жамоа бош мураббийи ўзгаргани айтиб ўтилди. Йиғилишда Павел Хан бош мураббий, Александр Ким эса маслаҳатчи мураббий сифатида фаолият олиб бориши маълум қилинди. Ички чемпионат якунига етгач терма жамоа таркиби  ҳам янгиланади, Олимпиадага ҳар бир вазн тоифасида 2 нафардан спортчи тайёрлаб борилади. Аёллар жамоасига эса жанубий кореялик мураббийни жалб этиш режалаштирилаётгани айтилди.

 

Маълумот учун: Хан Павел Афанасевич 1984 йил Тошкент шаҳрида туғилган. Таэквондо бўйича Ўзбекистоннинг илк Олимпиада чемпиони Улуғбек Рашидовнинг мураббийи ҳисобланади.

 

 

Жамшидбек Амиров