Қашқадарёлик талаба ҳарбий боксчилар ўртасидаги жаҳон чемпионатида олтин медални қўлга киритди
Жорий йилнинг 18-25 сентябрь кунлари Москва шаҳрида бўлиб ўтган ҳарбий боксчилар ўртасидаги жаҳон чемпионатида ўзбекистонлик спортчилар 7 та (3 та олтин 1 та кумуш ва 3 та бронза) медалини қўлга киритди.
Қайд этилишича, Қарши давлат университети жисмоний маданият факультети талабаси Мавлуда Мавлонова -75 кг вазнда жаҳон чемпионати финалида Беларусь вакиласи Виктория Кебиковага қарши жанг қилди ва ката устунлик билан ғалаба қозонди.
Маълумот учун, Мавлуда Мавлонова шу йил май ойида БААнинг Дубай шаҳрида бокс бўйича ўтказилган Осиё чемпионатида кумуш медалга сазовор бўлган эди.
Бундан аввал ҳарбий боксчилар ўртасидаги жаҳон чемпионати натижалари эълон қилинганди.
Чўлпоной Аҳмедова
