Наманганда аёлга куч ишлатган шахс прокуратура ходими эканлиги айтилмоқда
Бугунги кунда айрим мансабдор шахслар томонидан қонун бузилиш ҳолатлари кузатилмоқда. Нафақат қонун бузилиши балки, оддий фуқароларга нисбатан қўпол муомалада бўлиш, ўзи эгаллаб турган лавозимини суистеъмол қилиш ҳолатлари ҳам учраб турибди.
Muxbir Daliyev каналида эълон қилинган видеомурожаатда Наманганда бир шахснинг аёл кишига нисбатан куч ишлатган тасвирлари акс этган. Муаллиф аёлга куч ишлатган эркак прокуратура ходими экани айтилётганини билдирди.
Ушбу ҳолат юзасидан Ўзбекистон Республикаси Бош прокуратураси матбуот хизмати раҳбари Ҳаёт Шамсутдинов баёнот берди.
Видеохабарда кўрсатилган ҳолат Бош прокуратура томонидан ўрганиб чиқилмоқда.
Чўлпоной Аҳмедова
