"Danmon Group" компанияси билан келишув имзоланди

 

 

Кинематография агентлиги ахборот хизматининг хабар қилишича, мазкур келишув Президентимизнинг 2021 йил 7 апрелдаги ПҚ-5060 сон Қарори ижроси доирасида “Ўзбекфильм” киноконцерни ДУКни замонавий киноқурилмалари ва техникалари билан жиҳозлаш бўйича олиб борилди.

 

Қайд этилишича, компания вакиллари маҳаллий ва хорижий мутахассислар учун янги технологиялар имкониятлари ҳақида махсус тақдимот ўтказишди. Сўнг, агентлик Бош директори Фирдавс Абдухолиқов ҳамда "Danmon Group" компанияси директори Брайен Скотт ўртасида шартнома тузилди. 

 

 

Унга кўра жорий йилнинг охирига қадар компания технологияларнинг маълум қисмини “Ўзбекфильм” киноконцернига етказиб беради. 

 

Таъкидланишича, эндиликда ўзбек киноижодкорлари дунёнинг замонавий кинотехнологияларидан фойдаланиш имкониятига эга бўладилар.

 

Эслатиб ўтамиз, кинофестиваль бош ҳомийси: AGMK, NGMK вa “O‘zbekneftgaz”. Ҳамкор ҳомийлар: “O‘ZBEKTELEKOM”, “O‘zdonmahsulot” AK, “O‘zpromstroybank”ATB, “Ipoteka-bank” ATIB, “Asakabank”AJ, “O‘zbekiston temir yo‘llari”, “Hududgazta’minot”, “UzAuto Motors”AJ, “O‘zmetkombinat” AJ, “Milliy bank”AJ, “Farg’onaazot”AJ, “Eriell”, “Bosch” TM, “Easy Booking”.

 

 Бундан аввал “Кино 5 кунда” танловида суратга олинган фильмлар намойиш этилиши, Ўзбек ва рус тилларида фаолият олиб борувчи юқори сифатли фильмлар ва сериаллар намойиш этиладиган онлайн кинотеатр яратилгани, шунингдек, “Меҳр” операциясига бағишланган фильм премьераси бўлиб ўтгани, Паралимпиада ўйинларида иштирок этган ўзбек қизи ҳақидаги фильм намойиши ҳамда Тошкент халқаро кинофестивалининг “Жаҳон киноси кунлари” дастурини эронлик режиссёр Иброҳим Мухторийнинг “Ҳаёт варақлари” фильми бошлаб бериши ҳақида хабар берилганди.