“Муҳаммад Салоҳ — айни дамда АПЛнинг энг кучли футболчиси” — Рио Фердинанд
"Манчестер Юнайтед"нинг собиқ ҳимоячиси Рио Фердинанд инглиз телевидениесига Англия премьер-лигасининг 7-турига бағишланган дастурида “Ливерпул” – “Манчестер Сити” ўртасидаги ўйинга тўхталиб, шундай деди:
“Муҳаммад Салоҳ — айни дамда АПЛнинг энг кучли ўйинчиси. “Ливерпул” футболчиси ҳақида бундай гапларни айтганда, ичимда нимадир ёнади. Унинг голи менга ФИФА симуляторидаги ҳаракатларни эслатади. Мен ҳам шундай элементларни бажариб тураман. Буни ҳатто ўйин пульти орқали ҳам бажариш осон эмас. Салоҳ гол уришдан тўхтамаяпти. Бундан ташқари у кўплаб ҳаммуаллифлик ва узатмаларни амалга оширяпти. Шу боис, у жамоаси ғалабаларига катта ҳисса қўшмоқда".
Маълумот учун: мисрлик футболчи премьер-лига 7-турида битта гол ва ҳаммуаллифликни амалга ошириб, учрашувнинг энг яхши футболчиси бўлди.
Аввалроқ, “Виляреал” Серж Оре билан шартнома имзолагани ва “Ювентус” Сакани нишонга олгани ҳақида хабар берилганди.
Жамшидбек Амиров
