33 ёшли футболчи Нури Шаҳин Туркия клуби бош мураббийига айланди
У расман Туркиянинг «Анталяспор» клуби бош мураббийи этиб тайинланди.
Клуб жамоа бош мураббийи Эрсун Янал қўл остида Туркия Суперлигасида бор-йўғи 2 ўйинда ғалаба қозониб, 14-ўринга тушгач, клуб раҳбарияти Янални истеъфога чиқариб, унинг ўрнига жамоа ўйинчиси Нури Шахинни бош мураббий этиб тайинлаган.
Нури Шаҳин ўтган йилдан буён "Анталяспор" шарафини ҳимоя қилиб келмоқда. У бунгача "Вердер", Дортмунднинг "Боруссия", "Ливерпул", "Реал" ва "Фееноорд" клубларида ўйнаган.
Жорий мавсумда 33 ёшли яримҳимоячи Туркия чемпионатида 8 та ўйинда асосий таркибда майдонга тушган эди.
Маълумот учун, "Анталяспор" сўнгги турда "Адана Демирспор"га 1:2 ҳисобида мағлуб бўлди, рақиб жамоанинг ғалаба голи италиялик форвард Марио Балотелли номига ёзилган.
Жамшидбек Амиров
