Aҳоли газдан ярим триллион қарздорми?
Ўзбекистонда замонавий электрон газ ҳисоблаш ускунаси ҳали ўрнатилмаган 1,5 миллион истеъмолчилар мавжуд бўлиб, сарфланган газ учун эски намунадаги газ ҳисоблагичларининг кўрсаткичлари бўйича тўлов қилишни давом эттирмоқда. Бу ҳақда "Hududgaztaʼminot" AJ хабар берди.
Аммо бу истеъмолчиларда янги ҳисобдонлар ўрнатилгунга қадар ўз хонадонларидан чиқмай туриб истеъмол қилинган ёқилғига тўлов қилиш учун махсус “Telegram-bot” ҳам яратилган.
Қайд этилишича, газ таъминоти филиаллари ва бўлимлари томонидан доимий равишда берилаётган билдиришлар ва шартномавий мажбуриятларга қарамасдан, айрим истеъмолчилар етказиб берилган табиий газ учун ҳар ойнинг 10 санасига қадар тўловларни амалга оширмаяпти.
"Ҳудудгазтаъминот" АЖнинг маълум қилишича, аҳолиниг табиий газдан ярим триллион қарздор.
Маълумот учун, бугунги кунга келиб 1,2 миллиондан ортиқ истеъмолчининг табиий газ учун 501,6 миллиард сўм миқдордаги дебиторлик қарздорлиги мавжуд.
Эслатиб ўтамиз, аввалроқ стратегик ташкилотларга газ учун оширилган коеффицент бекор қилингани ҳақида хабар берилганди.
Чўлпоной Аҳмедова
