Нега айнан Жаҳонгир Ортиқхўжаев Тошкент шаҳрига ҳоким этиб тайинланганининг сабаби маълум бўлди
Бу ҳақда Президент номзод сифатида пойтахтликлар билан бўлиб ўтган учрашуви давомида айтиб ўтди.
«Мен нима учун Ортиқхўжаевни Тошкент ҳокими этиб тайинладим? У тадбиркор. Биз бу лавозимни пойтахтни ишбилармонлик билан ривожлантириш учун берганмиз. Замон жуда тез ўзгаряпти. Агар керак бўлса Ортиқхўжаев энди ўн баробар кўпроқ ҳаракат қилиши керак», - деган Мирзиёев.
Давлат раҳбари сўнгги икки йилда пойтахтда савдо майдонлари ҳажми икки карра ўсганини, аммо кўрсатгичлар йирик мегаполисларники билан солиштирганда 10-15 марта пастлигини билдирди. Келаси беш йилда Тошкентда савдо майдонлари яна 10 баробар ортади.
Бундан ташқари Тошкентда йирик савдо марказлари иш бошлайди. Хусусан, келгусида 14 миллиард долларга тенг 2 мингта инвестиция лойиҳалари амалга оширилади. Бу эса 250 мингта янги иш ўрни яратилади дегани.
"Тошкент - бизнес учун катта имкониятлар шаҳри" лойиҳасининг ҳаётга татбиқ этилиши орқали эса пойтахт ялпи ички маҳсулоти ҳажмини 2 баробарга ошириш - 200 триллион сўмга етказиш режалаштирилган.
Мафтуна Режаббоева
