Россияда 5 нафар аёл жинсий қулликдан озод этилди. Улар орасида бир нафар ўзбекистонлик ҳам бўлган
Москва вилоятида полиция ва кўнгилли қутқарувчилар 5 нафар муҳожир аёлни жинсий қулликдан озод қилди.
Маълумотларига кўра, аёллардан бири Ўзбекистон фуқароси. У бу ерга ишлаш учун келган. Вақтинча ижарада турган уй эгаси ва иш берувчи унинг шахсий ҳужжатларини йиртиб ташлгани ва унга эркаклар билан жинсий алоқа хизматини кўрсатиш кераклигини айтади.
Шунингдек, аёл бошқа тутқунликдаги аёллар билан бирга Москва вилоятидаги ёпиқ “Sunflower” кафесига жойлаштирилади. Бир қанча вақтдан сўнг назорат сусайганидан фойдаланган аёл қочишга муваффақ бўлган. У вокзалга бориб, оиласига қўнғироқ қилади.
Ҳозирда ҳолат юзасидан текширув ўтказилмоқда. Гумонланувчилар ҳибсга олинган.
Эслатиб ўтамиз, бундан аввал Россияда 33 ёшли аёлни бўғиб ўлдирган ўзбекистонлик эркак қўлга олинганди ва ўзбекистонлик 13 ёшли қизнинг жасади топилгани ҳақида хабар берилганди. Шунингдек, Швецияда вафот этган фуқаронинг жасади Ўзбекистонга олиб келинганди.
Чўлпоной Аҳмедова
