Чемпионлар лигасида ҳафтанинг энг яхши футболчисига номзодлар эълон қилинди

Кеча оқшом Европа майдонларида Чемпионлар лигасининг навбатдаги тур ўйинлари бўлиб ўтди.

Бугун UEFА ушбу мусобақада ҳафтанинг энг яхши футболчиси бўлиш учун даъвогарлар рўйхатини эълон қилди. Номзодлар қаторига “Залсбург” ярим ҳимоячиси Нуҳ Окафор, “Спортинг” ҳимоячиси Себастян Коатес, “Аякс” ҳимоячиси Дейли Блинд ва “Ливерпул” дарвозабони Алиссон Беккер киритилди. Ушбу футболчилар жамоаси ғалабасига муносиб ҳисса қўшди. Хусусан, Нуҳ Окафар “Залсбург”нинг “Волфсбург”га қарши ўйинида иккита тўп киритган бўлса, Себастян Коатес ҳам ушбу турда ўз ҳисобига дубл ёздириб қўйди. “Ливерпул” дарвозабони Алиссон Беккор эса “Атлетико”га қарши муҳим ўйинда бир қатор голли вазиятларда жамоаси жонига оро кирди. Дейли Билнд ҳам “Аякс”нинг “Боруссия Д” билан баҳсида ажойиб ўйин кўрсатиб, рақиб дарвозасига битта тўп киритишга муваффақ бўлди.