Энди қадимий шаҳарларда божсиз савдо қилувчи “Duty Free” дўконлари очилади
Олий Мажлис Сенатининг йигирманчи ялпи мажлисида Божхона кодексининг 81 та моддасига ўзгартириш ва қўшимчалар киритиш тўғрисидаги қонун сенаторлар томонидан маъқулланди.
Қонунга кўра, нафақат аэропортлар, балки мамлакатимизнинг қадимий шаҳарлари Самарқанд, Бухоро, Хоразм, Қўқон марказларида божсиз савдо қилувчи “Duty Free” дўконлари ташкил этилади.
Шунингдек, бож ва товар сертификатлари учун тўланадиган солиқлар ҳам камайтирилиши ёки буткул тўхтатилиши белгиланди. Жумладан, товар ва транспорт воситаларини божхона режимига жойлаштириш бекор қилинди.
Шу билан бирга, тизимда аппеляция кенгаши ташкил этилмоқда. Ушбу тизимнинг мақсади тадбиркор билан божхона ўртасидаги мавжуд низоларни судгача ҳал қилиш ҳамда ортиқча оворагарчиликларнинг олди олиш режалаштирилган
Бундан аввал Олий суд Тошкентдаги терактларга алоқадор собиқ божхона ходимлари иши бўйичак суриштирув бошлангани ҳамда Ўзбекистон - Қозоғистон чегарасида янги божхона очилгани ҳақида хабар берилганди. Бундан ташқари, Ўзбекистонда 1 октябрдан 6 та божхона пости тугатилганди.
Чўлпоной Аҳмедова
